എടത്വ: ഭിന്നശേഷിക്കാരന് തനിച്ചു താമസിക്കുന്ന വീടിന്റെ മേല്ക്കൂര കാറ്റില് തകര്ന്നു വീണു. എടത്വ പഞ്ചായത്ത് രണ്ടാം വാര്ഡ് തായങ്കരി കൊച്ചുതറ വീട്ടില് കെ.ബി സന്തോഷിന്റെ വീടിന്റെ മേല്ക്കൂരയാണ് കാറ്റില് തകര്ന്നു വീണത്.
ചൊവ്വാഴ്ച രാത്രിയിലുണ്ടായ ശക്തമായ കാറ്റിലും പേമാരിയിലുമാണ് സംഭവം. വീടിന്റെ മേല്ക്കൂരയിലെ ആസ്ബറ്റോസ് ഷീറ്റുകള് പൂര്ണ്ണമായി തകര്ന്നു വീണിട്ടുണ്ട്. സംസാരശേഷിയും കേള്വി ശക്തിയുമില്ലാത്ത സന്തോഷ് തനിച്ചാണ് വീട്ടില് താമസിക്കുന്നത്.
അപകട സമയത്ത് സന്തോഷ് കടയില് പോയിരിക്കുകയായതിനാല് വന്ദുരന്തം ഒഴിവായതായി വാര്ഡ് മെംബര് ജീമോന് ജോസഫ് പറഞ്ഞു.
Deepika
E-paper LOGIN
LOGIN
